Ulvehistorier

Gjennom historia har ulven hatt ein sentral plass i kvardagslivet til folk. Han skapte angst og hat, først og fremst på grunn av sine herjingar med husdyra, men også fordi folk var redde og måtte verje seg. "Ulvehistorier" er eit utval av det bygdebøker og annan lokalhistorisk litteratur frå heile landet kan fortelja om ulven og om menneska sin kamp mot ulven. Blant dei 200 historiene i boka står kampen mellom ulv og menneske sentralt. Dramatiske og forferdelege rapportar om menneske, oftast barn, som er rivne i hel av ulv, er det nokre av. Langt dei fleste av forteljingane handlar om barn og vaksne som slapp unna ulven. Ein stor del av boka fortel om korleis folk prøvde å verje buskapen. Sterk lesnad, i følge forlaget, og ein svært aktuell dokumentasjon.